कञ्चनपुर, १२ असार ।
कञ्चनपुरमा एक व्यक्तिले आफनै श्रीमतीको हत्या गरेका छन ।
जिल्ला प्रहरी कार्यालय कञ्चनपुरका अनुसार भिमदत्त नगरपालिका, ८ तिलाचौरका ३७ वर्षका केशव कार्कीले ३६ वर्षकी सरस्वती कार्कीको मगलवार विहान खेतमा फरुवाले हानेर हत्या गरेका हुन ।
प्रहरी उपरिक्षक डिल्लीराज विष्टले खेतमा काम गरिरहेका बेला सामान्य विवाद हुदा फरुवाले हान्दा सरस्वतीको घटनास्थलमै मृत्यु भएको बताए । उनले घटनाको थप अनुसन्धान भईरहेको जानकारी दिए ।
प्रहरीले श्रीमतीको हत्या गर्ने केशवलाई नियन्त्रणमा लिएको छ । स्रोतमा अनुसार ३७ वर्षका केशव सशस्त्र प्रहरीको हवल्दार रहेको बुझिएको छ ।
उनी दाङमा रहेको सिमा सुरक्षा बल लमहीमा कार्यरत थिए भने केही दिन अघि मात्रै रोपाई गर्नका लागि घर आएका थिए ।
