अछामको बयलपाटामा जीप दुर्घटनामा पाँच घाइते

अछामको बयलपाटामा जीप दुर्घटनामा पाँच घाइते भएका छन्। जयगढ बजारबाट साँफेबगर जाँदै गरेको से१त ३६८ जीप साँफेबगर नगरपालिकाको वयलपाटास्थित जनता क्याम्पस नजिक दुर्घटना हुँदा ५ जना घाइते भएका हुन। जीपमा सवार रहेका बान्नीगढी जयगढ गाउँपालिका ५ का सेतु परियार र वडानम्बर ६ का दिनेश परियार, रामारोशन गाउँपालिका ७ का मनपती भण्डारी, कलसी भण्डारी र पदम परियार घाइते भएको अछाम प्रहरीले जानकारी दिएको छ। जीप चालकलाई भने प्रहरीले नियन्त्रणमा राखेको छ।