काठमाडौं,९ चैत –
नेपाली बलर सन्दीप लामिछानेले इन्डियन प्रिमियर लिग आइपिएलमा दिल्ली डेयरडेभिल्सबाट खेल्दा लगाउने जर्सी सार्वजनिक भएको छ ।
काठमाडौंको एक होटलमा बिहीबार साँझ राष्ट्रिय खेलकुद परिषद्का सदस्य सचिव केशवकुमार विष्टले सन्दिपको जर्सी सार्वजनिक गरेका हुन् ।
दिल्लीले सन्दीपलाई १ नम्बरको जर्सी दिएको छ । दिल्लीले सन्दिपलाई २० लाख भारतीय रुपैयाँमा अनुवन्ध गरेको थियो ।
सन्दीप आउँदो मंगलबार आइपिएलको अभ्यासका लागि भारत जाँदैछन् ।
आगामी अप्रिल ४ बाट सुरु हुने आइपीएलमा सन्दीपले गौतम गम्भीरको कप्तानीमा दिल्ली डेयरडेभिल्सको तर्फबाट खेल्नेछन् ।
