मङ्गलबार, १२ साउन २०८३
मङ्गलबार, १२ साउन २०८३
काठमाडौँ । नागढुङ्गा–सिस्नेखोला सुरुङमार्ग सोमबार औपचारिक रूपमा उद्घाटन गरिएको छ । पूर्वाधार विकास मन्त्री सुनिल लम्साल, नेपालका लागि जापानका राजदूत मायदा तोरु तथा जापान अन्तर्राष्ट्रिय सहयोग नियोग (जाइका) का अध्यक्ष डा.तानाका अकिहिकोको उपस्थितिमा आयोजित विशेष समारोहबिच सुरुङमार्गको औपचारिक उद्घाटन सम्पन्न भएको हो ।
सात वर्षपछि उद्घाटन भएको यो सुरुङ मार्ग सञ्चालनमा आएसँगै काठमाडौँ उपत्यकाको प्रवेशद्वारमा हुने सवारी चाप व्यवस्थापन, यात्रा समयको बचत तथा सुरक्षित र आधुनिक सडक पूर्वाधार विकासमा महत्त्वपूर्ण योगदान पुग्ने विश्वास लिइएको छ ।
उद्घाटनका क्रममा पूर्वाधार विकास मन्त्री सुनिल लम्सालले अब देश सुरुङ युगमा प्रवेश गरेको पनि बताएका छन् । देशैभरि यातायात सहज बनाउन सुरुङ बन्दै जाने उनको भनाइ थियो ।
साथै मन्त्री लम्सालले नागढुंगा सुरुङमार्गको शिलान्यासका क्रममा राखिएको शिलालेख पुनः स्थापना गर्ने बताए । औपचारिक उद्घाटनपछि सञ्चारकर्मीसँग बोल्दै उनले यस्तो बताए ।
प्रतिक्रिया दिनुहोस