धनगढी बैशाख १३
नक्कली सदस्यता खारेजको माग गर्दै कैलाली उद्योग बाणिज्य संघमा गरिएको तालाबन्दी सुरक्षा निकायको प्रयोग गरी खोलिएको छ ।
वडा प्रहरी कार्यालयले आज दिउँसो तालाबन्दी खोलेको हो । वास्तविक व्यवसायीहरुले नक्कली सदस्यता खारेज गर्न पटक–पटक लिखित र मौखिक रुपमा माग गर्दा पनि वर्तमान कार्यसमितीले वास्ता नगरेको भन्दै आज विहान तालाबन्दी गरेका थिए ।
उनीहरुले यसअघि नै जिल्ला प्रशासन कार्यालयमा छानविनका लागि उजुरी दिएका थिए भने वर्तमान कार्य समितीलाई पटक–पटक लिखित र मौखिक रुपमा नक्कली सदस्यता खारेजको माग सहित निवेदन पनि गरेका थिए ।
