धनगढी उपमहानगरपालिका वडा नम्बर ४ शिवपुरी धाम नजिकै एक युवक झुण्डिएको अवस्थामा मृत भेटिएका छन् ।
वडा प्रहरी कार्यालयका प्रमुख प्रहरी निरिक्षक वकिलबहादुर सिंहले शिवपुरी धामको उत्तरतर्फ जाने बाटोमा विद्युतीय तारको पासोले सालको रुखमा झुण्डिएको अवस्थामा आइतबार बिहान युवक मृत भेटिएको बताए ।
अन्दाजी २०/२२ वर्षका देखिने युवकको पहिचान भने खुल्न नसकेको उनले जानकारी दिए ।
मृतकको साथमा मोवाईल र पर्स भेटिएको प्रहरीले जनाएको छ । शव परिक्षणका लागि सेती अञ्चल अस्पतालमा राखिएको छ ।
घटनाको अनुसन्धान भईरहेको प्रहरीले जनाएको छ ।
