धनगढी उप–महानगरपालिका वडा नम्वर २ मा रहेको सुदूरपश्चिमाञ्चल एकेडेमी नजिकै एउटा खोका छ ।
भागेश्वर एकेडेमी जाने बाटो र सुदूरपश्चिमाञ्चल क्याम्पसको छेउमै रहेको सो खोका एउटा एकल महिलाको दैनिकी चलाउने माध्यम हो ।
वा भनौ त्यो खोकामै ति महिलाको सवै जिन्दगी लुकेर बसेको छ ।
२२ बर्षको उमेरमै प्रेम विवाह गरेकी चन्द्रकला अधिकारी सहयात्री विहिन भएको पनि १८ बर्ष वितिसकेको छ ।
श्रीमानलाई मुटुरोगले च्याएपछि एउटा घर विक्री गरेर उपचार गराएकी अधिकारीले श्रीमानलाई जोगाउन सकिनन् ।
छोरा, छोरी नभएकाले अधिकारीलाई एक्लो जिवन पाल्नका लागि कुनै न कुनै काम गर्नु नै थियो ।
२ हजारको लगानीमा खोका व्यवसाय सुरु गरेकी अधिकारी अहिले सोही खोकामा चिया विक्री गरेर आफ्नो जिविका चलाईरहेकी छिन् ।
