नेपाल सामाजिक परिचालक कर्मचारी संघको प्रर्दशनमा प्रहरी र आन्दोलनकारीका बीच झडप भएको छ ।
स्थानीय तहमा योग्यता अनुसार उमेरको हदबन्दी नलगाई कर्मचारी समायोजनको माग गर्दै आन्दोलित नेपाल सामाजिक परिचालक कर्मचारी संघ प्रदेश नम्बर ७ ले सोमबार प्रदेशसभा भवन अगाडी गरेको प्रर्दशनमा दुइ पक्ष बीच झडप भएको हो ।
प्रहरीले प्रर्दशनकारीमाथि लाठी चार्ज गरी पाँचजनालाई नियन्त्रणमा लिएको छ ।
संघका सदस्य शंकर बिकका अनुसार केन्द्रीय सदस्य कल्पना रावल, प्रदेश ७ का अध्यक्ष खड्क कैनी, आन्दोलन परिचालन समितिका संयोजक माधव जोशी, सदस्य जगदिश जोशी र गोविन्द विष्टलाई नियन्त्रणमा लिएको छ ।
प्रहरीले संघको व्यानर, माईक, पर्चा पम्पलेट समेत नियन्त्रणमा लिएको छ ।
