भाद्र शुक्ल तृतीयाका दिनमा मनाइने हरितालिका तीज पर्व आज वैदिक सनातन हिन्दू धर्मावलम्बी नारीहरू महादेवको पूजा आराधना गरी मनाउँदैछन् ।
सत्ययुगमा हिमालय पुत्री पार्वतीले गौरीघाटमा बसी तपस्या गरेर महादेव पति पाउने बरदान पाएकी थिइन् ।
पार्वती साथीहरूद्वारा हरण भएको दिन भाद्र शु
क्ल तृतीयाको दिन भएकाले त्यही समयदेखि हरितालिका तीजको व्रत लिने प्रचलन सुरु भएको थियो ।
सत्ययुगमा आजैको दिन निराहार व्रत बसी पार्वतीले महादेव स्वामी पाएकीले आजको दिनमा व्रत बस्दा मनोकामना पूरा हुने विश्वासमा नारीहरू व्रत बस्ने गरेका गर्दछन् ।
तीजको अवसरमा आज विहानैदेखि प्रदेश नम्वर ७ का शिवालयहरुमा पनि पुजाआजा गर्नेको घुईचो लागेको छ ।
तीजकै अवसरमा शिवपुरी धाम, जाखौर ताल, शिव मन्दीर लगायतका शिवालयमा महिलाहरुको घुईचो लागेको हो ।
यस्तै शिवपुरी उत्तररामेश्वर जोतिलिङ्ग धाममा तीज महोत्सव हुदै छ ।
आजदेखि सुरु हुने महोत्सव तीन दिन सम्म सञ्चालन हुने शिवपुर उत्तररामेश्वर जोति लिङ्ग धाम समितिका सचिब शिद्धराज पनेरुले जानकारी दिए ।
धनगढी उप–महानगरपालिकाका उप–प्रमुख शुसिला मिश्र भट्टले तीज महोत्सवको उद्धघाटन गर्ने कार्यक्रम छ ।
