बाजुरा , कार्तिक ७, २०७५ ।
भारतको सिम्लामा काम गरेर फर्किएका हिमाली गाउपालिका वडा नं २ रुम्दीका एक युवक दुई साता देखि बेपत्ता भएका छन ।
चार जनासाथीहरु संगै आएका निर्मल खड्का सम्र्पक विहिन अवस्थामा रहेको पारिवारिक स्रोतले जनाएको छ ।
भारतबाट काम गरेर नेपाल फर्किने क्रममा लुटपाटमा परेका बाजुराका चार जना मध्य एक जनाको अवस्था दुई हप्ता देखि अज्ञात रहेको हो ।
काम गरेर फर्किने क्रममा भारतको हरिद्धार स्थित होटलमा बसेको बेला बेहोस बनाई आफूहरुसंग भएको २ लाख नगद र सामान समेत लुटपात गरेको लुटपातमा परेका युवाहरुले बताएको हिमाली गाउपालिका वडा नं २ का वडाध्यक्ष धनरुप बुढाले बताउनु भएको छ ।
आफूहरु होसमा आउदा निर्मल खड्का त्यहा थिएनन, कहाँ गए भन्ने थाहा भएन संगै आएका रगु खड्काले बताउनुभयो ।
आफूहरुले ल्याएका सामान पनि थिएनन र आफूहरु लुटपातमा परेको थाहा पाए पछि स्थानीय ंग पैसा मागेर नेपाल फर्किएको
खड्काले बताउनु भयो ।
बाजुराको हिमाली गाउपालिका वडा नं २ रुम्दीमा बसोवास गर्ने रगु खड्का, जोल खड्का, नर खड्का जेनतेन घर फर्किए पनि संगै रहेका निर्मल खड्काको अवस्था अहिले सम्म थाहा नभए पछि आफन्त चिन्तीत बनेका छन ।
भारतमा काम गर्न गएका नेपालीहरु बेला बेला ठगिने, लुटपाटमा पर्ने जस्ता समस्या पटक पटक भई रहेका छन ।
सिमामा भारतीय प्रहरी देखि स्थानिय गुण्डाहरुले नेपालीको पैसा र धनमाल लुटपाट गर्ने देखि हत्या सम्मगर्ने गरेका छन ।
निर्मलको खोजीकार्यमा सहयोग गरिदिन प्रराष्ट्र मन्त्रालय नेपाल स्थित भारतीय दुतावास लगायत अन्य कुटनितीक नियोग समक्ष आफन्तजनले अपिल गरेका छन् ।
