महेन्द्रनगर , कार्तिक १२, २०७५।
बलात्कारपछि हत्या गरिएकी बालिका निर्मला पन्तका हत्यारा सार्वजनिक गर्न माग गर्दै महेन्द्रनगरमा प्रदर्शन गरिएको छ ।
निर्मलाका परिवार, अधिकारकर्मी लगायतले आज महेन्द्रनगरमा प्रदर्शन गरेका हुन् ।
बलात्कारपछि हत्या भएको तीन महिना पुगिसक्दा पनि अझै अपराधी सार्वजनिक नगरिएको भन्दै परिवार र अधिकारकर्मीहरुले नाराबाजी सहित प्रदर्शन गरेका हुन्।
महेन्द्रनगरको मदन चोकबाट सुरु भएको प्रदर्शन जिल्ला प्रशासन पुगेर समापन भएको थियो ।
प्रमुख जिल्ला अधिकारी मार्फत अल्टिमेटम सहित प्रधानमन्त्रीलाई ज्ञापनपत्र बुझाईएको नागरिक संघर्ष समितिका संयोजक मीना भन्डारीले जानकारी दिईन्।
प्रदर्शनमा निर्मला पन्तका गाउँका महिलाहरुको पनि सहभागीता रहेको थियो ।
गत साउन १० गते १३ वर्षीय किशोरी पन्तको बलात्कारपपछि हत्या गरिएकोमा तीन महिनासम्म पनि हत्यारा पक्राउ परेका छैनन्।
दसैँको समयमा आन्दोलन स्थगित गरेका महिला अधिकारकर्मीले पुनः आन्दोलन सुरु गरेका हुन् ।
