महेन्द्रनगर , जेठ २० गते ।
महेन्द्रनगर आउँदै गरेको बस दाङमा दुर्घटना भएको छ।
चितवनको नारायणगढबाट महेन्द्रनगर आउँदै गरेको ना ६ ख १२६४ नम्बरको बस गएराति दाङको लमही नगरपालिका वडा नम्बर ९ रिहारमा यात्रु बस दुर्घटना हुँदा १० जना घाइते भएको प्रहरीले जनाएको छ।
घाईते मध्ये ४ जनाको अवस्था गम्भीर रहेको छ।
गम्भीर घाइते हुनेमा कैलालीको टिकापुर ८ बस्ने ६५ वर्षीय भागीराम डगौरा, उनकी श्रीमती ६० वर्षीया बेज्या चौधरी, कैलालीकै लम्किचुहा ६ बस्ने ३५ वर्षीय कृष्ण भण्डारी र डडेल्धुरा अमरगढी २ बस्ने ५० वर्षीय गोपाल सार्की छन्।
शौच गर्न रिहार नजिकैको जंगलमा बस रोकेको अवस्थामा बस आफैं गुडेर दुर्घटना भएको प्रहरीले जनाएको छ।
सामान्य घाइतेहरुको लमहीमा उपचार भइरहेको छ भने गम्भीर भएकाहरुलाई नेपालगञ्ज रिफर गरिएको छ।
