काठमाडौँं, २३ जेठ।
१० अर्ब रुपैयाँ ठगीको आरोपमा जेल परेका सुधिर बस्नेत हिजो सोमबार जेलमुक्त भएका छन् ।
डिल्लीबजार सदरखोरमा रहेका बस्नेत जेल सजाय काटेपछि जरिवाना तिरेर छुटेका हुन् । उनी १३ पुस २०७३ मा पक्राउ परेका थिए ।
ओरेन्टल सहकारीलगायत आठ कम्पनी तथा संस्थाका सञ्चालक बस्नेतलाई सहकारीको निक्षेप ठगी अभियोगमा काठमाडौं र भक्तपुर जिल्ला अदालतले जेल सजाय सुनाएको थिए ।
ठगी मुद्दामा जिल्ला अदालत काठमाडौं र भक्तपुरले उनीमाथि दुई दुई वर्ष जेल सजाय सुनाएको थियो ।
यसैगरी, काठमाडौं जिल्ला अदालतले उनीमाथि ५ करोड ९१ लाख ९७ हजार जरिवाना तथा ठगीकै अर्को मुद्दामा ६ महिना कैद र ४ लाख ९४ हजार जरिवानाको फैसला सुनाएको थियो ।
भक्तपुरले ८४ हजार ६ सय ४८ रुपैयाँ जरिवाना असुल हुने फैसला सुनाएको थियो ।
–राजधानी दैनिक
