काभ्रे, साउन २३, २०७५ ।
बुधबार विहान राति आएको पहिरोको कारण १८ महिनाका बालक पुरिएका छन् । सुतिरहेको स्थानमा पुरिएका बालकको शब प्रहरीले फेला पारेको छ ।
मण्डन देउपुर नगरपालिका वडा नम्वर १० छापमा परेको अविरल बर्षातका कारण स्थानीय हेमबहादुर तामाङको घर कटेज बगाएको थियो ।
भुकम्पका कारण पक्कि घर ढलेको र नयाँ घर निर्माण नगरि टहरामै बसिरहेको अवस्थामा हेमबहादुरको घर पहिरोले पुरेको जिल्ला प्रहरी कार्यालय काभ्रेका प्रमुख एसपी रविराज खड्काले जानकारी दिए ।
बासले बनाएको कटेजमा बस्दै आएका हेमबहादुर सहित ६ जनाको परिवार कटेज बाहिर निस्किए पनि बालकलाई निकाल्न नसकिएका कारण पुरिएको बताईएको छ ।
घटना भएको जानकारी पाए लगत्तै प्रहरी उद्धारका लागि खटिएको थियो ।
पहिरोका कारण हेमबहादुर तामाङको १८ महिनाको छोरा दिपक तामाङ पुरिएको अवस्थामा फेला परेका थिए ।
हेमबहादुरका चारवटा बाख्रा समेत पहिरोले पुरेर बेपत्ता बनाएको छ ।
बाँस र जस्ताले बनाएको टहरा पुर्ण रुपमा क्षति भएको छ । पहिरोबाट हेमबहादुर र उनको श्रीमती सितामाया तामाङ घाईते भएका छन् ।
