भक्तपुर , कात्तिक १५ गते ।
भक्तपुरको गछेँस्थित नवदुर्गामा आज आगमको गुप्ती पूजा हुँदैछ ।
कोजाग्रत पूर्णिमाका दिन राष्ट्रप्रमुखबाट नवदुर्गाको पूजा अर्चना भएपछि कात्तिक महिनामा यस्तो पूजा हुन्छ ।
नवदुर्गा देवताकागण नारायण वनमालाका अनुसार कात्तिकमा सात पटक यो पूजा हुन्छ ।
गुप्ती पूजालाई नवदुर्गाको महत्वको पूजा अर्चना मानिन्छ ।
नवदुर्गासँगै महालक्ष्मीको पनि पूजा हुने भएकोले बडादशैँको कोजाग्रत पूर्णिमापछि गुप्तीपूजामा महालक्ष्मीको पनि आराधना हुन्छ ।
यो पूजाका लागि सङ्कल्प र भाकल गर्नेको गछेँमा निकै जमघट रहेको महाकाली नाचका मूलनाइके तुल्सीनारायण दण्डेख्याले जानकारी दिनुभयो । यो पूजा सम्पन्नपछि पुस १ गते भक्तपुर तलेजुमा नवदुर्गा नाच हुन्छ भने पुस २ गते काठमाडौँकोे जयवागेश्वरीमा नाच हुन्छ ।
यही क्रमअनुसार झण्डै ११ महिना नवदुर्गा नाच साँखु, खड्पु वनेपा नाला लगायतका स्थानमा देखाइन्छ ।
