बैतडीको पाटन नगरपालिकाको विभिन्न वडामा स्यालले आतंक मच्चाउन थालेको छ ।
नगरपालिकाको वडा नम्वर ६ लोर्खामा एकैदिन स्यालको टोकाइबाट तीन जना घाइते भएका छन् ।
घाइते हुनेमा स्थानीय दमन्ती जोशी, विन्दा जोशी र नरेन्द्र भण्डारी रहेका छन् ।
घरमै बसीरहेका बेला उनीहरुलाई स्यालले टोकेको स्थानीय रामसिंह विष्टले बताए ।
स्यालहरुले गाउँघरमै पसेर टोक्न थालेपछि स्थानीयबासी त्रसित बनेका छन् ।
प्राथमिक स्वास्थ्य केन्द्र पाटनमा रेबिज विरुद्धको भ्याक्सिन नहुँदा घाइतेहरुलाई उपचारका लागि डडेल्धुरा लगिएको छ ।
शनिबार, २३ फागुन २०८२
प्रतिक्रिया दिनुहोस