डडेल्धुराको सदरमुकाम नजिकै अमरगढी नगरपालिकाको वडा नम्बर २ आईत बजारमा मंगलबार बिहान जीप दुर्घटना भएको छ ।
दुर्घटनामा परी ९ जना घाईते भएका छन् ।
घाईते मध्ये ७ जनाको डडेल्धुरा स्थित उपक्षेत्रीय अस्पतालमा उपचार भएको छ भने २ जनाको अवस्था गम्भिर भएकोले धनगढी रेफर गरिएको जिल्ला प्रहरी कार्यलय डडेल्धुराले जनाएको छ ।
रेफर हुनेमा डडेल्धुराको अजयमेरु गाउँपालिका ५ की हीरा खड्का र गन्यापधुरा गाउँपालिका ४ की देवादेवी खडायत रहेको प्रहरीले जनाएको छ ।
बगरकोटबाट सदरमुकाम जादै गरेको ना १ ज ३११९ नम्बरको जीप दुर्घटनामा परेको हो ।
कच्ची बाटो, चालकको लापरवाही र बढी यात्रुका कारण दुर्घटना भएको हुन सक्ने प्रहरीको अनुमान रहेको छ ।
शनिबार, २३ फागुन २०८२
प्रतिक्रिया दिनुहोस