शनिबारदेखि धनगढीमा गरिएको आम हड्ताल स्थगित गरिएपछि जनजीवन सामान्य अवस्थामा फर्किएको छ ।
नागरिक समाज संघर्ष समितिले आईतवार साँझदेखि लागु हुने गरी आम हडताल स्थगित गरेपछि जनजीवन पहिलेकै अवस्थामा फर्किएको हो ।
सोमबार विहानदेखि नै लामो तथा छोटो दुरीका सवारी साधन सञ्चालनमा आएका छन् ।
बजार क्षेत्रका पसलहरु सञ्चालनमा आएका छन् । चाडपर्व नजिकिएका वेला वजारमा कारोवार वढेको छ ।
आमहडताललाई बद्नाम गराउने खेल भएको भन्दै आन्दोलनको स्वरुपमा परिवर्तन गर्दै आम हडताल स्थगित गरिएको थियो ।
नागरिक समाज संघर्ष समितीले विज्ञप्ती जारी गर्दै सोमवार साँझ ८ बजे एक घण्टा धनगढीमा बल्याक आउट गर्ने जनाएको छ ।
वन माफिया र भुमाफियालाई फाईदा पुग्ने गरी प्रदेशको राजधानी गोदावरीको जंगलमा राखेको भन्दै धनगढीमा आम हडतालको घोषणा गरिएको थियो ।
शनिबार, २३ फागुन २०८२
प्रतिक्रिया दिनुहोस