विश्वकप क्रिकेट छनोट: नेपाल र स्कटल्याण्ड भिड्दै, अहिले सम्मकोअंक तालिका सहित

काठमाडौँ, २४ फागुन –

जिम्बावेमा जारी आइसिसी विश्वकप छनोट क्रिकेट प्रतियोगिताअन्तर्गत नेपालले दोस्रो खेल बिहीबार स्कटल्याण्डसँग खेल्नेछ ।

जिम्बावेस्थित क्विन्स स्पोर्टस क्लबमा उक्त खेल हुनेछ । नेपालभन्दा स्कटल्याण्ड बलियो टोली मानिन्छ । नेपालले अहिलेसम्म स्कटल्याण्डलाई पराजित गर्न सकेको छैन ।

चार वर्षअघि न्यूजिल्याण्डमा भएको विश्वकप छनोटमा नेपाल स्कटल्याण्डसँग पराजित भएको थियो भने विश्वकप क्रिकेट लिगको दुवै खेलमा पनि नेपाल पराजित भएको थियो । यही फागुन २० गते भएको पहिलो खेलमा नेपाल जिम्बावेसँग ११६ रनको फराकिलो अन्तरले पराजित भएको थियो । प्रतियोगितामा दुई खेल खेलेको स्कटल्याण्डले दुवैमा जित हासिल गरेको थियो ।

स्कटल्याण्डले पहिलो खेलमा अफगानिस्तानलाई सात विकेटले तथा दोस्रो खेलमा हङकङलाई चार विकेटले हराएको थियो । नेपाल सुपरसिक्समा पुग्नै पर्ने दबाबमा छ । पहिलो खेलमा हार बेहोरेको नेपालले बाँकी तीन खेलमध्ये दुई खेलमा जितका साथै राम्रो नतिजा ल्याउन आवश्यक छ ।

समूह ‘बी’ मा रहेको नेपालले स्कटल्याण्डसँगै अफगानिस्तान र हङकङसँग खेल्न बाँकी छ । चार अंक जोडेको स्कटल्याण्ड शीर्ष स्थानमा छ भने समान चार अंक नै जोडेको जिम्बावे रनरेटको आधारमा दोस्रो स्थानमा छ । दुई खेल खेलेको अफगानिस्तान अंकविहीन रहँदै तेस्रो स्थानमा छ भने समान एक÷एक खेल खेलेका हङकङ र नेपाल क्रमशः चौथो र पाँचौँ स्थानमा छन् । दुवै टोली अंकविहीन छन् ।

अंक तालिका श्रोत: ESPN CricInfo

Group A

TEAM	M	W	L	T	N/R	PT	NRR	FOR	AGAINST
1Ireland	2	2	0	0	0	4	1.093	479/90.1	384/91.0
2West Indies	1	1	0	0	0	2	1.200	357/50.0	297/50.0
3United Arab Emirates	2	1	1	0	0	2	-0.051	466/78.0	470/78.0
4Papua New Guinea	2	0	2	0	0	0	-0.800	348/78.0	406/77.1
5Netherlands	1	0	1	0	0	0	-2.268	149/41.0	242/41.0

Group B

TEAM	M	W	L	T	N/R	PT	NRR	FOR	AGAINST
1Scotland	2	2	0	0	0	4	1.453	348/70.5	346/100.0
2Zimbabwe	2	2	0	0	0	4	1.180	576/100.0	458/100.0
3Afghanistan	2	0	2	0	0	0	-0.154	449/100.0	452/97.2
4Hong Kong	1	0	1	0	0	0	-2.095	91/50.0	92/23.3
5Nepal	1	0	1	0	0	0	-2.320	264/50.0	380/50.0