महेन्द्रनगर, २७ साउन ।
लगातारको वर्षाका कारण महाकाली नदीमा पानीको बहाव अत्यधिक बढेको छ । नदीमा पानीको बहाब बढेकाले नदी आसपासका बस्तीमा खतरा बढेको भन्दै सचेत रहन डडेल्धुरास्थित परिगाउँ बाढी मापन केन्द्रले आग्रह गरेको छ ।
जल तथा मौसम बिज्ञान बिभागले डडेल्धुरा र कञ्चनपुरको तटीय क्षेत्र र डुबान भईरहने होचा स्थानका बासिन्दालाई सतर्कता अपनाउन आग्रह गरेको छ ।
महाकाली तटिय क्षेत्रमा सधै बाढीको त्रास
दिउँसो १ बजे महाकाली नदीमा पानीको बहाव ६.८८ मिटर रहेको थियो । यो खतराको चिन्हभन्दा माथि रहेको विभागले जनाएको छ ।
महाकाली नदीमा पानीको बहाव बढेकाले नदी आसपासका नागरिकलाई सुरक्षित रहन र नदीमा माछा मार्दै आएका नागरिकलाई केही दिन नदीमा नजान समेत स्थानीय प्रशासनले आग्रह गरेको छ । – मानसखण्ड
