काठमाडौं, साउन ६।
नेपाल तरुण दलले जिल्ला प्रशासन कार्यालयलाई तालाचाबी बुझाएको छ ।
७७ जिल्लाकै प्रशासन कार्यालय घेराउ गरी सिक्री उपहार दिने कार्यक्रम अन्तरगत प्रमुख जिल्ला अधिकारीलाई तालाचाबी बुझाएको हो ।
माइतीघरदेखि प्रशासन कार्यालय बबरमहलसम्म नारा, जुलुससहित तरुणदलका नेता कार्यकर्ताले कार्यालय भने घेराउ गरेनन् ।
प्रहरीले लगाउको निषेधाज्ञा नतोडेपछि घेराउ नगरी तालाचाबी बुझाए ।
प्रदर्शनको क्रममा नेपाल तरुण दलले जिल्ला प्रशासन कार्यालयमार्फत् नागरिकको अधिकारमाथि हनन् गर्ने सरकारको मुखमा ताला लगाउने भन्दै सरकारलाई ताल्चा बुझाएका थिए ।
