काठमाडौँ, साउन २८।
कोरोना भाइरसका कारणले ४८४ सङ्क्रमित भएका छन् । योसँगै नेपाल कोरोना भाइरसका कारणले सङ्क्रमित हुनेको सङ्ख्या २४ हजार ४३२ पुगेको छ ।
स्वास्थ्य तथा जनसङ्ख्या मन्त्रालयको नियमित प्रेस सम्मेलनमा प्रवक्ता डा. जागेश्वर गौतमले सो कुरा बताउनुभएको हाे । पछिल्लो २४ घण्टामा दश हजार ४८१ पीसीआर परीक्षण गरिएकाे थियाे ।
नेपालमा सक्रिय सङ्क्रमित सातहजार ६१३ रहेका छन् । नेपालमा चौबीस घण्टामा ६४ कोराेना मुक्त भएका छन् । योसँगै कुल कोरोना मुक्त हुनेको सङ्ख्या १६ हजार ७२८ पुगेको छ । कोरोना मुक्त प्रतिशत ६८.४ रहेकाे छ ।
पाँचसय भन्दा बढी सङ्क्रमित भएर उपचारमा रहेका जिल्लाहरु चारवटा रहेका छन् । काठमाडौं, पर्सा, रौतहट र महोत्तरी रहेका छन् ।
त्यसैगरी, शुन्य सङ्क्रमित हुने छवटा जिल्लाहरु रहेका छन् । संखुवासभा, सोलुखम्बु, मनाङ, मुस्ताङ, डोल्पा र हुम्ला रहेका छन् ।
पछिल्लो २४ घण्टामा देशका विभिन्न स्थानमा आठजना सङ्क्रमितको मृत्युसँगै कुल मृत्यु हुनेको सङ्ख्या ९१ पुगेको छ । – गोरखापत्र अनलाइन
